escondite inglés

estou cunha xigantesta resaca froito da suma do día de Nadal e o sábado. pero non só iso. onte me viches. ou iso creo. díxenche que ía de copas con f., pero non foi así. quedei co tipo aquel da farmacia. a cuestión é que paso demasiado tempo mercando medicamentos logo de que me abrisen. estas cousas son así. das pastillas á cama. onte non fodimos. simplemente estivemos por aí, de bar en bar, de cacique en cacique, de bico en bico. ó final estabamos tan feitos puré que nin eu estaba polo labor nin el sería quen de levantar nada que non fose outro vaso de ron. durmín no seu apartamento. agora chego a casa e non estás, intúo que seguirás coa sesión de comida non stop coa túa (noxenta) familia. dóeme a cabeza e o estómago. lembro que eran sobre as tres, xa non as tiña todas comigo, e percibín a túa cazadora negra con esas chapas dos oitenta (que no teu caso non son froito da moda revival). ías con a. e con g., coma sempre. estou segura de que a. me viu. de ti non o saberei ata dentro dun rato. non sei se me importa. vou para a ducha. preciso de auga quente.