1. b. mándame un mail. hai moito que non quedamos. unha vez díxome que me amaba por teléfono. por iso nunca funcionaría. dame bicos de café. sen leite. vai pasar o nadal en vigo, na casa, coa súa recente parella, colleitada vía urxente nalgún centro comercial. non lle contesto. busco unha fotografía e rómpoa.
2. s. non me escribe. só fala polo msn. ten posta a súa propia imaxe, contra unha parede, ollando. non podo manterme quieta contra a intensidade. noto o rubor. dígolle banalidades, como se eu non fose eu; como se non nos bicaramos aquel día na súa habitación, aquela minúscula cama de estudiante, aquela camiseta laranxa.
mércame un xeado de froitas.
Sem comentários:
Enviar um comentário