onanismo

o teu ritual de afeitado. cada dous ou tres días, depende do humor, creo. a mesma espuma de la toja, as maquinillas de usar e tirar, a brocha que che regalei hai xa tempo. pasas media hora aí dentro, coa radio posta (normalmente con gabilondo, ás veces con música de radiofórmula) e saes convertido noutro home. é como se volveses á adolescencia e saíran de ti as preocupacións. a casa respira o teu aftershave e tes a ollada noutro sitio. demasiado tempo só no cuarto de baño.