n.a.m.o.r.a.d.a.

hoxe estou namorada. de ti, que me miras pola mañá na escaleira (terceiro piso, si, ti), do meu xefe que só me observa cando sabe que eu sei que me observa; do meu irmán, que algunha vez pensou que podería; de v., aínda que nunca me deitase contigo; do conductor do autobus número quince, que deixa de escoitar o carrusel un instante para rozarme a man ó devolverme o cambio; de ti, que fas comentarios ás miñas fantasías na vitualidade; do meu último amante, que recolle os condóns usados como se fosen trofeos de caza; do equipo de basket co que nunca manterei unha orxía; de ánxela bugallo e quin, polas miradas cruzadas; de olga novo e yolanda castaño, por crear universos tan distantes; de kiko neves por entender cómo funcionan as relacións; de g., nunca debiches comerme a cona desa maneira, pero sei que foi con cariño; de s., aínda que nunca máis nos veremos, sei que pensarás en min en calquera cidade de europa; dos empregados do corte inglés, que queren foderme contra a estantería da feira da india pero a lles pode a responsabilidade; de min mesma, que non teño medo de espirme para vós.